उत्तम सदाकाळ
उत्तम सदाकाळ
Thursday, June 23, 2016
मेघराजा
धाव घे रे मेघराजा
वाट पाहू आता किती
धो धो बरस रे असा
चिंब होऊदे ही माती
खुरटला सारा चारा
गाईगुरे व्याकुळली
चिडीचिप झाले रान
नदी भासाने चळली
डोळे लावून आभाळी
बळी रानात पांगला
धीर सुटल्या जीवाने
फास झाडाला टांगला
अरे सोड तुझा ताठा
येई नाचत झिम्माड
तुझ्याविना दुनियेला
पड़े जगण्याचं कोडं
तुझ्या प्रेमळ स्पर्शाने
रान हिरवं होऊ दे
कर बळीला पेरता
जग सुखात राहु दे
*************
उत्तम सदाकाळ
9011016655
धाव घे रे मेघराजा
वाट पाहू आता किती
धो धो बरस रे असा
चिंब होऊदे ही माती
खुरटला सारा चारा
गाईगुरे व्याकुळली
चिडीचिप झाले रान
नदी भासाने चळली
डोळे लावून आभाळी
बळी रानात पांगला
धीर सुटल्या जीवाने
फास झाडाला टांगला
अरे सोड तुझा ताठा
येई नाचत झिम्माड
तुझ्याविना दुनियेला
पड़े जगण्याचं कोडं
रान हिरवं होऊ दे
कर बळीला पेरता
जग सुखात राहु दे
*************
उत्तम सदाकाळ
9011016655
Thursday, January 28, 2016
खेळ
दिस उगवे कष्टाचा
माझ्या कोवळया आभाळी
देई जगण्याची आस
जरी दैन्य माझ्या भाळी
खेळ दावता दावता
बाप अर्ध्यावर गेला
चतकोर घासासाठी
खेळ नशिबाचा झाला
दोन भावंडे लहान
आई आजारी घरात
घर चालवाया माझी
रोज बाजारी वरात
ऊन तळपते माथी
भूक आतडयांना जाळी
दोर काठयांना बांधुन
देह झुले अंतराळी
तोल सावरते आता
हाती घेवुनिया काठी
डोंबा-याच्या नशिबात
कुठे शाळा कुठे पाटी
****************
उत्तम सदाकाळ
माझ्या कोवळया आभाळी
देई जगण्याची आस
जरी दैन्य माझ्या भाळी
खेळ दावता दावता
बाप अर्ध्यावर गेला
चतकोर घासासाठी
खेळ नशिबाचा झाला
दोन भावंडे लहान
आई आजारी घरात
घर चालवाया माझी
रोज बाजारी वरात
ऊन तळपते माथी
भूक आतडयांना जाळी
दोर काठयांना बांधुन
देह झुले अंतराळी
तोल सावरते आता
हाती घेवुनिया काठी
डोंबा-याच्या नशिबात
कुठे शाळा कुठे पाटी
****************
उत्तम सदाकाळ
Thursday, October 22, 2015
पाऊस
पाऊस
पाऊस पानातला
वाजतोय झिम्माड
टिपरी तालावर
झिंगलेय झाड
पाऊस पानातला
वाजतोय झिम्माड
टिपरी तालावर
झिंगलेय झाड
पाऊस रानातला
अवखळ अल्लड
घालतोय धिंगाणा
करतोय हुल्लड
पाऊस गावातला
घुमतोय कानात
धारांचे नक्षीकाम
तुडुंब अंगणात
पाऊस शेतातला
हिरवाकंच ओला
मोत्यांनी मढला
पाचूदार शेला
पाऊस मनातला
पापण्यांच्या दारी
सांजवेळी सजणा
दाटलाय उरी
*************
उत्तम सदाकाळ
मढ,जुन्नर
९०११०१६६५५
अवखळ अल्लड
घालतोय धिंगाणा
करतोय हुल्लड
पाऊस गावातला
घुमतोय कानात
धारांचे नक्षीकाम
तुडुंब अंगणात
पाऊस शेतातला
हिरवाकंच ओला
मोत्यांनी मढला
पाचूदार शेला
पाऊस मनातला
पापण्यांच्या दारी
सांजवेळी सजणा
दाटलाय उरी
*************
उत्तम सदाकाळ
मढ,जुन्नर
९०११०१६६५५
Subscribe to:
Posts (Atom)