इच्छा

इच्छा
हे आरसपाणी रूप
तू मोहक मनमोही
हे हसणे कातिलाणे
मी माझा उरलो नाही

अशी जादू हवी हवी
धडधड नवी नवी
मी तुझ्यामध्ये गुंतावे
तू मोहक बेडी व्हावी

श्वासात तुझ्या सुगंधी
दरवळे माझा श्वास
डोळ्यात तुझ्या गही-या
हरवावे वेडा ध्यास

तुझी रेशमाची मिठी
रोमांचित माझी काया
माखावा कंपित ओठी
मदनाचा धुंद फाया

भेटीस नसावा खंड
क्षण हे कैद करावे
जगावे तुझ्याचसाठी
बाहूत तुझ्या मरावे
**********
उत्तम सदाकाळ
९०११०१६६५५