मेघराजा
धाव घे रे मेघराजा
वाट पाहू आता किती
धो धो बरस रे असा
चिंब होऊदे ही माती

खुरटला सारा चारा
गाईगुरे व्याकुळली
चिडीचिप झाले रान
नदी भासाने चळली

डोळे लावून आभाळी
बळी रानात पांगला
धीर सुटल्या जीवाने
फास झाडाला टांगला

अरे सोड तुझा ताठा
येई नाचत झिम्माड
तुझ्याविना दुनियेला
पड़े जगण्याचं कोडं

तुझ्या प्रेमळ स्पर्शाने
रान हिरवं होऊ दे
कर बळीला पेरता
जग सुखात राहु दे
*************
उत्तम सदाकाळ
9011016655