धरण

धरणाने अजगरी  घट्ट विळखा घातला  किती सावरू मी आता  त्यात पाऊस मातला  डोळ्यादेखत बुडाली  मायाळू ग काळी आई  तिच्या संग सारं गेलं  कशी व्हावी भरपाई  पाणी शिरलं गावात  ओलांडली गावकूस  भाऊरायाच्या वाडयाचा  लागेना गं मागमूस  पेठ गिळली पाण्याने  लुप्त सा-या खाणाखुणा  पाणी भिडे कळसाला  विठूराया दीनवाणा  होतं घरटं बांधलं  जमवून काडी काडी  जळबंब केलं तेही  आली नाही दया थोडी  करा तुम्ही शेतमळे  दया धरणाला दुवा  आम्ही एका घासासाठी  तुडवितो गाव नवा                           ********

उत्तम सदाकाळ                                        ९०११०१६६५५